Strategaeth Technoleg Gwybodaeth

Themâu Lefel Uchel TG

• Seiberddiogelwch

  Mae seiberymosodiadau ar addysg uwch yn fwyfwy aml a niweidiol. Mae cynnal cyfrinachedd, uniondeb ac argaeledd systemau, gwasanaethau a data TG wrth wraidd cysylltedd digidol a'n strategaeth yw defnyddio ystod eang a chynhwysfawr o fesurau i sicrhau seiberddiogelwch, wedi'u paru ag ymateb wedi'i gynllunio'n dda os bydd digwyddiadau'n digwydd, gan sicrhau gwaith adfer cyflym a chyn lleied o effaith ag y bo modd. Cefnogir y thema hon gan Strategaeth Seiberddiogelwch fanwl, a byddwn yn defnyddio ein sefydliadau cymorth, megis y Cydbwyllgor Systemau Gwybodaeth (JISC) a'r Ganolfan Seiberddiogelwch Genedlaethol (NCSC) i gynyddu ein heffeithiolrwydd. Pan fydd systemau TG wedi'u datganoli, byddwn yn cydweithio â'r adrannau hynny i sicrhau dull cyson o ymdrin â diogelwch ac i safoni dulliau dilysu ar gyfer systemau gwasgaredig lle bynnag y bo modd.

• Mudo i’r Cwmwl

  Yn rhan annatod o Seiberddiogelwch, disgwylir cysylltedd digidol 24x7 gan wasanaethau TG modern. Mae Atebion Cwmwl Buddsoddi mewn Meddalwedd yn Wasanaeth (SaaS) a Llwyfan yn Wasanaeth (Pas) yn ffyrdd cost-effeithiol o wella argaeledd gwasanaethau critigol, yn enwedig y tu allan i oriau, lle gall methiant systemau fynd heb ei gydnabod tan y diwrnod gwaith nesaf. Unwaith eto, mae angen buddsoddi, ond mae ein dibyniaeth newydd ar systemau TG yn golygu bod angen ymateb cadarn.

• Wi-Fi cyflymder uchel

  Mae tystiolaeth yr arolwg yn awgrymu bod myfyrwyr yn ystyried dulliau Wi-Fi da yn un o'r gwasanaethau TG pwysicaf. Dros y tair blynedd nesaf, bydd symudiadau i ddarpariaeth campws gwrthdro yn dibynnu ar wasanaeth Wi-Fi cyflymder mellten, di-dor. Bydd ein Strategaeth Wi-Fi yn canolbwyntio ar gysylltedd digidol gydag atebion Wi-Fi yn yr ystafell ar gyfer neuaddau myfyrwyr a'r genhedlaeth ddiweddaraf a chyflymaf o bwyntiau mynediad Wi-Fi ar gyfer mannau cyffredin. Mae buddsoddiad sylweddol ynghlwm wrth hyn, ond mae'r dystiolaeth yn dangos bod y gwasanaeth hwn wrth wraidd bodlonrwydd myfyrwyr sydd â TG.

• Uwchraddio rhwydwaith y campws

  Bydd TG yn adeiladu ar fuddsoddiad pensaernïaeth y rhwydwaith yn Abertawe SA1 a Dinefwr, Llundain a Birmingham yn ystod y strategaeth flaenorol, gan weithio'n agos gyda'r taleithiau a chydweithwyr mewn Ystadau a Chyfleusterau. Caerfyrddin, Llanbedr Pont Steffan, Caerdydd, ac Abertawe Alex Road craidd, dosbarthu a rhwydweithio ymyl fydd y ffocws gyda symlrwydd, dibynadwyedd a pherfformiad yn ein hegwyddorion allweddol. Bydd y dyluniad yn cynnwys rhyng-gysylltiadau cyflym iawn ac yn ymestyn ein rheolaeth mynediad rhwydwaith 'Clearpass' presennol i gynnwys polisïau diogelwch deinamig i reoli mynediad defnyddwyr mewn amser go iawn a gwella Seiberddiogelwch. Bydd arwyddion digidol yn cael eu hadnewyddu a'u targedu i gefnogi marchnata a chyfathrebu.

• Technolegau Dysgu

  Bydd mannau dosbarth a labordy yn cael eu hadnewyddu gyda thechnolegau dysgu sy'n darparu atebion cydweithredol a rhyngweithiol sy'n cael eu harwain gan addysgeg gan greu profiadau dysgu deniadol i staff a myfyrwyr. Bydd pwyslais penodol yn canolbwyntio ar ddatblygu atebion dysgu hybrid a fydd yn galluogi dysgu i gael ei ddarparu'n lleol, yn genedlaethol ac yn rhyngwladol. Bydd datblygu perthynas gref â gweithgynhyrchwyr a chyflenwyr yn galluogi gwerthusiad parhaus o'r datblygiadau diweddaraf megis technolegau ymdrochol i sicrhau yr ymchwilir i dechnolegau'n briodol, y rhoddir profion trylwyr arnynt o safbwynt technegol ac addysgeg, a'u gweithredu pan fo hynny'n briodol.

• Llywodraethu Data

  Mae data sy'n ddibynadwy ac sy’n hawdd i'w holi yn rhoi mantais i ni mewn marchnad gystadleuol. Byddwn yn datblygu Strategaeth Gwybodaeth Data a Busnes i gynorthwyo cynhyrchiant digidol drwy gynhyrchu setiau a dadansoddiad data cyllid ac ansawdd sicr sy'n caniatáu i bob un sy'n gwneud penderfyniadau lywio eu ffocws a'u dewisiadau, yn ogystal â galluogi effeithiolrwydd gweithredol mewn Athrofeydd a Gwasanaethau Proffesiynol.

• Ffurflen myfyrwyr HESA a Data’r Dyfodol

  Rydym wedi cymryd camau breision i gynrychioli ein sefyllfa ym marchnad y Brifysgol gyda gwell data a ffocws ar feysydd y mae angen eu gwella. Bydd Dyfodol Data, rhaglen drawsnewid ar draws y sector, dan arweiniad HESA, yn dod â heriau newydd gyda ffurflenni aml-flwyddyn; bydd perchnogaeth ddata ddiffiniedig a phrosesau data rhagweithiol yn allweddol i'n llwyddiant. Rydym wedi cefnogi gwelliant parhaus gyda'n dangosfyrddau Gwybodaeth Busnes Mesurau Cenedlaethol a Thablau Cynghrair a byddwn yn parhau i adeiladu ar ein gallu i ddadansoddi mesurau allweddol, gan ychwanegu Cymhareb Myfyrwyr, Cadw a Chymwysterau Staff ar ddangosfyrddau Mynediad.

• Ymgysylltu a chyfathrebu â myfyrwyr

  byddwn yn parhau i weithio gydag Undeb y Myfyrwyr, Unedau Proffesiynol, ac Athrofeydd i sicrhau bod ein gwasanaethau a'n datblygiadau yn cael eu hysbysebu mor eang ar y bo modd a bod pob llwybr ar gyfer rhannu gwybodaeth yn cael ei ddefnyddio. Byddwn hefyd yn cefnogi cynhwysiant digidol, gan gynorthwyo myfyrwyr a’r Gwasanaethau Digidol drwy roi llwyfan i bob myfyriwr lwyddo. Byddwn yn adeiladu ar ymgysylltiad myfyrwyr cyfredol drwy weithredu Rheolaeth Gwasanaethau Menter (ESM) a Rheolaeth Cysylltiadau Cwsmeriaid (CRM).' Bydd y systemau newydd hyn yn ein galluogi i ddeall anghenion y myfyrwyr a chasglu adborth drwy gydol eu taith yn fyfyrwyr. Byddwn yn mesur ein llwyddiant drwy feincnodi ein perfformiad yn yr NSS ac arolygon cenedlaethol o’i gymharu ag SAUau eraill yng Nghymru.

• Prydlesu Cyfarpar

  Cyflwynwyd prydlesu offer TG am y tro cyntaf yn 2017 ac mae wedi bod yn llwyddiannus iawn yn y gwaith o adnewyddu asedau sy'n heneiddio ar draws fflyd y Brifysgol. Bydd datblygu cynllun prydlesu unedig yn alinio'r gwaith o adnewyddu offer TG staff a myfyrwyr ar draws y Brifysgol. Bydd cynllun adnewyddu effeithiol gydag ymrwymiad i arferion caffael cynaliadwy yn sicrhau cylch rheolaidd i ddiweddaru asedau TG y Brifysgol i dechnoleg sy'n berthnasol ac sy'n cefnogi anghenion staff a myfyrwyr.

• Cyfarfodydd ar-lein a fideo-gynadledda

  Gan ein bod yn Brifysgol wasgaredig yn ddaearyddol, bu galw mawr erioed am ddefnyddio technoleg ar gyfer cyfarfodydd, ond daeth yn arf cyfathrebu a chydweithredu allweddol bellach a llawer o'r Brifysgol yn gweithio o bell. Gydag ymgysylltiad staff a myfyrwyr, mae angen adolygu ein mannau fideo-gynadledda presennol a chreu cynllun strategol ar gyfer datblygiadau yn y dyfodol. Bydd hyn yn cwmpasu ein ffyrdd newydd o weithio ac yn bodloni'r gofynion a'r galw cynyddol sy'n newid yn fawr, wrth hwyluso cyfieithu ar y pryd.

• Datblygu ac Integreiddio TG

  Mae'r tîm Datblygu TG wedi mwynhau llawer iawn o lwyddiant yn ystod y blynyddoedd diwethaf. Mae hyn wedi arwain at alw digynsail am ganoli data, ffurflenni electronig, prosesau awtomataidd, ac integreiddio systemau. Bydd cynllun datblygu ac integreiddio tair blynedd yn cefnogi'r Strategaeth TG, gan gefnogi gweithgareddau megis Coleg Doethurol, Academi Fyd-eang Cymru, a phartneriaethau strategol. Mae canoli data, lleihau biwrocratiaeth, ac arloesi digidol gydag awtomeiddio a deallusrwydd artiffisial, wrth galon y cynllun. Mae cynhyrchiant, dysgu a chynhwysiant digidol yn ofynion allweddol ar gyfer y gwaith hwn i sicrhau bod y systemau hyn yn hygyrch, yn ddwyieithog, yn ymatebol ac yn hawdd i’w defnyddio.

• Amgylchedd Dysgu Rhithwir

  Ers blynyddoedd lawer mae'r amgylchedd dysgu rhithwir wedi bod yn bwysig i addysgwyr, ond daeth yn amlwg iawn yn ystod y pandemig byd-eang. Ar hyn o bryd mae'r Drindod Dewi Sant yn defnyddio Moodle ar gyfer adnoddau, gyda dosbarthiadau ar-lein yn defnyddio Microsoft Teams. Er mwyn gwella dysgu digidol ymhellach, bydd datblygiadau ADRh yn canolbwyntio ar foderneiddio profiad Moodle, gwell llywio ac ymarferoldeb, a’r cyflymder a’r perfformiad gorau posibl. Bydd gwneud profiad addysgu ar-lein o ran yr amserlen/Teams/Moodle yn fwy integredig a chytûn yn thema allweddol arall. Byddwn yn datblygu Strategaeth ADRh ac yn cynnull grŵp ffocws gyda chynrychiolaeth staff a myfyrwyr i bennu blaenoriaethau.

• Methodoleg gweithio ystwyth a rheoli Prosiect ystwyth

  Oherwydd gweithio ystwyth roedd newid o'r swyddfa i weithio gartref yn broses esmwyth. Yn seiliedig ar drefnu 'yr hyn a wnewch', yn hytrach na 'ble rydych chi'n ei wneud', mae'n offeryn cynhyrchiant sy'n hawdd ei addasu i unrhyw sefyllfa. Yn sgil ei weithredu cynyddwyd cynhyrchiant TG, a'r ffocws ar gyfer y cam nesaf fydd integreiddio gwaith Ystwyth yn well a rheoli prosiectau TG wrth ymgorffori dulliau ystwyth mewn gweithgareddau datblygiad proffesiynol parhaus (DPP). Byddwn yn gwneud gwell defnydd o offer 'DevOps' Microsoft sydd ar gael i ni, ac yn hyrwyddo'r gwaith o fabwysiadu gweithio ystwyth er mwyn cefnogi prosiectau ehangach y Drindod Dewi Sant.

• Adroddiad Data am Docynnau TG

  Gan adeiladu ar adroddiadau cyfredol a dadansoddi data, byddwn yn defnyddio'r ESM a'r CRM i ddatblygu cysylltiadau pellach â defnyddwyr i ddeall eu hanghenion ac i gasglu adborth drwy gydol eu taith i fyfyrwyr. Bydd datblygu adroddiadau a monitro data tocynnau TG ymhellach yn caniatáu canfod tueddiadau cyfoethocach o faterion cyffredin er mwyn helpu i ddatrys materion yn rhagweithiol cyn iddynt gael eu nodi gan staff neu fyfyrwyr. Bydd gweithredu adroddiadau a all dynnu sylw at geisiadau neu faterion cyffredin ar draws unedau proffesiynol lluosog hefyd yn caniatáu gwella llifoedd gwaith er mwyn symleiddio prosesau.